Sulmet/ Vuçiq takon vendet e QUINT-it: KFOR të kujdeset për sigurinë në veri të Kosovës

Rajon | 3 vite më parë

Presidenti i Serbisë Aleksandar Vuçiq (Aleksandar Vucic) është takuar sot (26 shtator) me vendet e QUINT-it, të cilëve u ka kërkuar që KFOR-i të ketë rol parësor për çështjet e sigurisë në veri të Kosovës, jo policia lokale.

“Përsërita qëndrimet e Serbisë për ngjarjet e fundit në Kosovë dhe kërkova që KFOR-i të kujdeset për të gjitha çështjet e sigurisë në veri të Kosovës në vend të policisë së Kurtit. Gjithashtu pyeta pse EULEX-i u refuzua nga policia e Kosovës për të marrë pjesë në operacion vetë, e cila është realizuar në territorin e veriut të Kosovës,” ka shkruar Vuçiq në llogarinë në Instagram.

Takimi i Vuçiqit me vendet e QUINT-it vjen pas sulmeve që ndodhën të dielën (24 shtator) pranë Manastirit të Banjskës, ku u vra në krye të detyrës rreshteri Afrim Bunjaku, tashmë Hero i Kosovës.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.