Një person i armatosur ka përplasur me automjet derën kryesore të sinagogës “Temple Israel” – një më të mëdhatë në SHBA – dhe më pas ka hapur zjarr.

Forcat e sigurimit të sinagogës kanë reaguar menjëherë duke e lënë të vrarë atë në vend. Ndërsa bëhet e ditur se nuk ka viktima të tjera të konfirmuara: asnjë nga besimtarët, fëmijët e shkollës/kopshtit brenda objektit apo stafi nuk është lënduar.

Një roje sigurie është goditur nga automjeti gjatë incidentit dhe është dërguar në spital, i cili ndodhet jashtë rrezikut për jetën.

Fëmijët dhe personat e pranishëm janë evakuuar dhe janë ribashkuar me familjarët në një qendër komunitare hebraike aty pranë.

Zona u vendos në lockdown për disa orë, por tani po lirohet gradualisht pasi situata është nën kontroll.

Agjencitë e përfshira në vendngjarje përfshijnë Oakland County Sheriff’s Office (Sheriff Michael Bouchard), Michigan State Police, FBI (drejtori Kash Patel konfirmoi praninë e agjentëve).

Hetimet janë në vazhdim për të përcaktuar nëse ka pasur bashkëpunëtorë të tjerë, si dhe motivin e sulmit – ende nuk ka detaje zyrtare për arsyet (terrorizëm, antisemitizëm apo faktorë të tjerë).

Gjithashtu, presidenti Trump është informuar për ngjarjen, ndërsa disa zyrtarë dhe ligjvënës kanë shprehur solidaritet me komunitetin hebre dhe kanë dënuar sulmin.

/rtsh.al/