I dyshuari për të shtënat masive të javës së kaluar në Universitetin Brown është gjetur i vdekur në një depo në Salem, New Hampshire, pas një kërkimi gjashtëditor në shumë shtete, thotë policia.

Ata e identifikuan të dyshuarin si Claudio Neves Valente, 48 vjeç, një shtetas portugez i cili studioi në universitetin në Providence, Rhode Island, rreth 25 vjet më parë.

Shefi i policisë së Providence, Oscar Perez, tha se provat video dhe këshillat nga publiku i çuan hetuesit në një vend me qira makinash ku gjetën emrin e të dyshuarit dhe e përputhën atë me personin qw kwrkonin.

Zyrtarët thanë se ata gjithashtu besojnë se Valente vrau një profesor të Institutit të Teknologjisë në Massachusetts dy ditë pas të shtënave në Brown më 13 dhjetor.

Prokurori i Përgjithshëm i Rhode Island, Peter, tha se Valente u gjet i vdekur me një çantë dhe dy armë zjarri. Provat në një makinë aty pranë përputheshin me vendin e të shtënave në Universitetin Brown në Providence.

Gjetjet fillestare sugjerojnë se Valente vdiq nga një plagë me armë zjarri e shkaktuar vetë, dhe policia nuk ishte në gjendje të komentonte se sa kohë mund të ketë qëndruar brenda njësisë së magazinimit.

“Edhe pse i dyshuari u gjet i vdekur sonte, puna jonë nuk ka mbaruar. Ka shumë pyetje që duhet të marrin përgjigje”, tha agjenti special përgjegjës i FBI-së, Ted Docks, duke shtuar se agjencia kishte dërguar afërsisht 500 agjentë për të ndihmuar autoritetet lokale në hetim.

Presidentja e Universitetit Brown, Christina Paxson, tha se Valente ishte regjistruar në shkollën Ivy League nga vjeshta e vitit 2000 deri në pranverën e vitit 2001 dhe po studionte për një doktoraturë në fizikë.

Ai “nuk kishte lidhje aktive aktuale” me Brown, tha ajo.

Zyrtarët thanë se besojnë se Valente qëlloi dhe vrau profesorin e MIT, Nuno F Gomes Loureiro, 47 vjeç, të hënën në shtëpinë e tij në Brookline, e cila është rreth 50 milje (80 km) nga Providence.

Si viktima ashtu edhe i dyshuari kishin studiuar në të njëjtin universitet në Portugali në fund të viteve 1990, tha policia.

Zyrtarët thanë se rastet u lidhën kur automjeti i të dyshuarit u identifikua nëpërmjet pamjeve të kamerave të sigurisë dhe një dëshmitari në Universitetin Brown.

E njëjta makinë u pa pranë vendit të ngjarjes ku profesori u qëllua me armë në Brookline, Massachusetts.

“Ai po përdorte një telefon që pengonte mundësinë për ta ndjekur atë,” tha Leah B Foley, prokurorja e shtetit amerikan që përfaqëson Massachusettsin.”

“Ai ishte i sofistikuar në fshehjen e gjurmëve të tij.” Autoritetet nuk kanë dhënë ndonjë motiv të dyshuar për asnjërin sulm.

Për ditë të tëra, qytetarët kishin shprehur zhgënjim ndaj hetimit për të shtënat në Universitetin Brown të ​​shtunën e kaluar, pasi dukej se kishte dhënë pak përparim pothuajse një javë pas sulmit.

Një person i armatosur hyri me forcë në ndërtesën e inxhinierisë Barus & Holley të Universitetit Brown dhe hapi zjarr gjatë provimeve përfundimtare. Dy studentë u vranë dhe nëntë të tjerë u plagosën. Gjashtë mbeten në spital.

Autoritetet identifikuan dy viktimat e vdekura si Ella Cook, 19 vjeç, një studente e vitit të dytë nga Alabama, dhe Mukhammad Aziz Umurzokov, 18 vjeç, një student i vitit të parë uzbek-amerikan.

Policia kishte kërkuar durim nga banorët e Rhode Island dhe të mërkurën publikoi pamje të reja të një personi me interes, ku një burrë shihej duke ecur nëpër kampusin e universitetit me një maskë të zezë në gojë.

FBI gjithashtu ofroi një shpërblim prej 50,000 dollarësh. (37,350 £) shpërblim për informacion që çon në identifikimin, arrestimin dhe dënimin e personit përgjegjës për sulmin.