Ndeshja e madhe, Manchester United-Liverpool, e vlefshme për javën e 34-të të Premier League, është shtyrë për shkak të protestave të tifozëve të Djajve të Kuq kundër pronarëve, familjes Glazer. Pushtimi i Old Trafford nuk ka lejuar që skuadrat të arrijnë në stadium.

Nga rrugët e Mançesterit, protesta u zhvendos në Old Trafford. Shumë video të postuara në rrjetet sociale nga tifozët, të cilët kanë pushtuar stadiumin dhe perimetrin e tij në masë. Sipas Guardian, rreth 200 persona hynë në stadium pas orës 2 pasdite, disa mbanin tymuese dhe fishekzjarre.

Më parë, tifozët ishin parë duke hedhur fishekzjarre dhe bllokuar hyrjen në hotelin ku ekipi ishte duke qëndruar, duke vonuar në këtë mënyrë zhvendosjen e tyre drejt stadiumit. Solskjaer mbështeti të drejtën e tifozëve për të protestuar, por i nxiti ata ta bënin këtë në mënyrë paqësore.

Gjithçka e ka zanafillën me nënshkimin e marrëveshjes për të marrë pjesë në Super Ligë, tifozët nuk e donin një gjë të tillë dhe kishin paralajmëruar protesta. Së fundmi kishin kërkuar dhe largimin e familjes Glazer nga pronësia e klubit.

Gjatë ditës së sotme protestat nisën dy orë para orarit të fillimit të ndeshjes dhe kjo bëri që sfida më e rëndësishme e kësaj jave në Premier League të shtyhet, në pamundësi për tu luajtur në orarin e caktuar për shkak se tifozët pushtuan stadiumin Old Trafford.