Trafiku i drogës dhe i armëve, Europol aksion në Evropë, përfshirë edhe Shqipërinë. 566 të arrestuar

Aktualitet | 3 vite më parë

Agjencia e Bashkimit Evropian për Bashkëpunimin në Zbatimin e Ligjit (Europol) ka zhvilluar një aksion në të gjithë Evropën, përfshirë edhe Shqipërinë dhe Kosovën, kundër trafikut të armëve të zjarrit, trafikut të drogës, kontrabandës së emigrantëve, trafikimit të qenieve njerëzore dhe rrjeteve kriminale me rrezik të lartë, duke çuar në pranga 566 persona.

Sipas Europol, në total u kryen 163 hetime, ku u sekuestrua 623 kg kokainë, 300 kg kanabis, 310 armë dhe 20.206 copë municion.

Operacioni u zhvillua në datat 13 deri më 18 nëntor, ndërsa operacioni u koordinua nga një qendër koordinimi ndërkombëtare e krijuar në Shkup.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.