Tregtia me pakicë rritje vjetore me 0,7 % në 3-mujorin e tretë

Volumi i tregtisë me pakicë në tremujorin e tretë të këtij viti shënoi rritje me 0.7 për qind edhe pse pandemia ka goditur fort konsumin në disa sektorë të tregtisë dhe shërbimeve.
Sipas të dhënave të INSTAT tregtia me pakicë u nxit nga shitjet jo të zakonta të pajisjeve informatike dhe kompjuterike dhe produkteve farmaceutike.
Në ndryshimin vjetor prej +0,7 %, në tremujorin e tretë 2020 ndaj tremujorit të tretë 2019, në tregtinë me pakicë, grupet kanë kontribuar Grupi “Ushqime, pije e duhan në njësi tregtare jo të specializuara dhe të specializuara” ka kontribuar me + 0,1 pikë përqindje.
Grupi “Artikuj jo-ushqimore në njësi tregtare të specializuara dhe jo të specializuara” me 1,9 pikë përqindje dhe grupi “Tregti me pakicë e hidrokarbureve në njësi tregtare të specializuara” me – 1,3 pikë përqindje.
Në tregtinë me pakicë, pa përfshirë këtu tregtinë me pakicë të hidrokarbureve, volumi i shitjeve në tremujorin e tretë 2020 është rritur me 3,0 %, kundrejt tremujorit të tretë të vitit 2019.
Në grupin “Ushqime, pije, duhan në njësi tregtare jo të specializuara dhe të specializuara”, volumi i shitjeve është rritur 0,2 %, krahasuar me të njëjtin tremujor të vitit 2019.
Volumi i shitjeve, për grupin “Artikuj jo-ushqimorë në njësi tregtare të specializuara dhe jo të specializuara”, është rritur 5,0 %, kundrejt të njëjtës periudhë të vitit paraardhës.
Në grupin “Tregti hidrokarbure në njësi tregtare të specializuara”, volumi i shitjeve ka pësuar rënie me 4,8 %, krahasuar me të njëjtin tremujor të vitit 2019.
Në tremujorin e tretë 2020, volumi i shitjeve, përshtatur sezonalisht, në grupin “Tregti me pakicë, pa përfshirë këtu tregtinë me pakicë të hidrokarbureve në njësi tregtare të specializuara”, është rritur me 9,9 %, krahasuar me tremujorin paraardhës.
Në grupin “Ushqime, pije, duhan në njësi tregtare jo të specializuara dhe të specializuara”, volumi i shitjeve, përshtatur sezonalisht, është ulur me 0,2 %, krahasuar me tremujorin paraardhës.
Volumi i shitjeve, përshtatur sezonalisht, në tregtinë me pakicë, për grupin “Artikuj jo-ushqimore në njësi tregtare të specializuara dhe jo të specializuara”, është rritur me 15,9 %, kundrejt tremujorit të mëparshëm.
Në grupin “Tregti me pakicë hidrokarbure në njësi tregtare të specializuara”, volumi i shitjeve, përshtatur sezonalisht, është rritur 21,1 %, kundrejt tremujorit të dytë 2020.
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.




