Turizmi dhe kulinaria në Berat/ Problem fuqia punëtore në sektorin e shërbimit

Berati është një prej qyteteve më të vizituara gjatë këtij sezoni turistik ku me qindra turistë të huaj dhe vendas kanë vizituar muzetë e qytetit, kalanë, lagjet karakteristike si dhe kanë shijuar kuzhinën beratase me gatimet tradicionale.
Por shumë nga administratorët e njësive pritëse në Berat thonë se problemi më i madh për qytetin është fuqia punëtore.
Shumë të rinj largohen përditë dhe kjo për sektorin e shërbimit është tepër e dëmshme.
Edhe pse Berati ndodhet dhjetëra kilometër larg detit, sipërmarrës vendas kanë guxuar për të dalë prej kuzhinës tradicionale.
Luan Eskiu prej vitesh po ofron gatimet e detit në qytetin e një mbi një dritareve duke thyer tabunë e kulinarisë madje duke tërhequr me dhjetëra turistë të huaj dhe vendas që shijojnë këto gatime.
“Theva tabunë e Berati, pasi këtu nuk hahet peshk. Thënia e peshkatarëve është që: Peshku nuk hahet atje ku zihet por atje ku blihet, dhe unë këtë e kam bërë realitet“, thotë ai.
Mbi 750 mijë ishte numri i turistëve që e vizituan Beratin dhe destinacionet e tjera në qark, ndërsa qyteti do të vazhdojë edhe në vjeshtë dhe dimër që të mbajë dyert hapur për të gjithë ata që i tërheq turizmi historik dhe i aventurës.
Gazetar: Norel Zaimi
/rtsh.al/
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.




