Turqi, protestues pro Hamasit sulmojnë bazën bërthamore amerikane në Incirlik, policia i shpërndan menjëherë

Botë | 3 vite më parë

Protestues pro-Hamasit kanë sulmuar portat e bazës ajrore Incirlik në Turqi, ku ndodhen ushtarakë amerikanë. Lajmi është bërë i ditur nëpërmjet një videoje nga Diliman Abdulkader, i cili është një kolumnist.

Në bazën ajrore Incirlik në Turqi, e cila administrohet nga ushtria amerikane, ndodhen edhe 50 bomba bërthamore. Siç shihet nga pamjet, ndërhyrja e policisë turke ka qenë e fortë, me gazlotsjellës, duke qenë se baza amerikane mban brenda saj armë bërthamore.

Protesta pro Hamasit ka pasur në disa vende të botës, edhe në Turqi, por jo pranë bazave amerikane bërthamore. Turma e protestuesve ka qenë e vogël dhe është shpërndarë menjëherë nga forcat turke të sigurisë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.