Uzuni nuk ndalet, vjen goli i 18-të

Spanjë | 4 vite më parë

Granada rrëmbeu një fitore të vështirë në transfertën ndaj Burgos CF falë dopietës së Jorge Molinës dhe golit të Myrto Uzunit, pasi kishte pësuar gol që në minutën e 8-të me autor Campos. Kështu, skuadra e trajnerit Paco Lopez ka shtatë ndeshje radhazi pa humbje.

Goli i Campos për vendasit ishte rezultati që i dha mundësinë Burgos të shkonte në avantazh në pushim. Në pjesën e dytë Granada doli në fushë kërkim të tri pikëve. Hyrja e lojtarëve si Jorge Molina apo Bryan u dha krahë shokëve të tyre. Ishte pikërisht sulmuesi Jorge Molina që shënoi golin e barazimit në 69’ nga pasimi i Sergio Ruiz.

Më pas ai do të asistonte Uzunin që sulmuesi kuqezi të shënonte golin e 18-të në këtë sezon dhe vetë Molina të shënonte finalen për 1-3 që vërtetoi fitoren e Granada-s

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.