Referendumet e orkestruara nga Kremlini, pritet të shërbejnë si pretekst për Moskën për të aneksuar rajonet e Ukrainës të kontrolluara nga Rusia. Referendumet përfunduan sot. Rezultati i paracaktuar i votave rriti tensionet midis Rusisë dhe Perëndimit. 

Zyrtarët e mbështetur nga Moska në katër rajonet e pushtuara në Ukrainën jugore dhe lindore, thanë se qendrat e votimit u mbyllën të martën pasdite pas pesë ditësh votimi. Ndërkohë ka filluar edhe numërimi i votave.

Aneksimi i rajoneve, krijon terrenin për një fazë të re të rrezikshme në luftën shtatëmujore në Ukrainë. Rusia paralajmëroi se mund të përdorë vendosjen e armëve bërthamore për të mbrojtur territorin e saj, duke përfshirë tokat e fituara rishtazi.

Pas pesë ditësh votimit, “situata do të ndryshojë rrënjësisht nga pikëpamja juridike, e së drejtës ndërkombëtare, me të gjitha pasojat përkatëse për mbrojtjen e atyre zonave dhe garantimin e sigurisë së tyre”, tha zëdhënësi i Kremlinit, Dmitry Peskov. Presidenti rus Vladimir Putin ka folur për opsionin bërthamor nga ana e Moskës që javën e kaluar, pas një kundërofensivës së suksesshme ukrainase. Apnews

/rtsh.al/