Presidenti i Serbisë, Aleksandër Vuçiç, ka zhvilluar një bisedë telefonike me Presidenten e Komisioni Evropian, Ursula von der Leyen, ku në fokus ishin marrëdhëniet mes Serbisë dhe Bashkimit Evropian si dhe progresi në rrugën evropiane.

Në një reagim publik, Vuçiç e cilësoi bisedën si “të mirë dhe të hapur”, duke theksuar angazhimin e vendit të tij për përshpejtimin e reformave kyçe. Ai nënvizoi se Serbia do të vijojë zbatimin e reformave në fushën e sundimit të ligjit, përmirësimin e sistemit gjyqësor dhe forcimin e pavarësisë së institucioneve.

Gjithashtu, presidenti serb bëri të ditur se në qendër të diskutimit ishte edhe zbatimi i ligjeve për median dhe një sërë ligjesh të tjera reformuese, në përputhje me rekomandimet e Komisioni i Venecias.

Sipas Vuçiç, Serbia mbetet e përkushtuar për t’u përafruar me standardet evropiane dhe për të vijuar rrugën drejt integrimit në Bashkimin Evropian, duke theksuar se procesi kërkon punë të vazhdueshme dhe përgjegjësi institucionale.

/rtsh.al/