Xhaçka kërkon përshpejtimin e anëtarësimit të vendeve të Ballkanit Perëndimor në BE

Politikë | 6 vite më parë

Ministrja e Jashtme e Shqipërisë, Olta Xhaçka ka kërkuar përshpejtimin e anëtarësimit të vendeve të Ballkanit Perëndimor në BE. Gjatë një konference të përbashkët shtypi në Tiranë me homologen austriake, Karoline Edstadler, zonja Xhaçka kërkoi të lehtësohen sa më shumë pengesat për rajonin e Ballkanit. Kryediplomatja austriake Edstadler tha se mbështeste mbajtjen e Konferencës së parë Ndërqeveritare me Shqipërinë, pasi vlerësoi se ajo ka bërë shumë përparime, kryesisht në lidhje me shtetin e së drejtës.
Austria ka qene ndër vendet që ka lobuar për gjetjen e vaksinave antikovid për Shqipërinë. Zonja Edstadler tha se pa vaksinim askush nuk është i sigurt nëse nuk jemi të gjithë të sigurt. Kryediplomatja austriake u shpreh se vaksinimi mundëson lëvizshmërinë e njerëzve.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.