Ministri i Brendshëm, Taulant Balla ka reaguar pas operacionit “Tempulli” ku u vendosën në pranga 37 persona, ku midis tyre ka edhe të proceduar për akuza të ndryshme penale nga vjedhjet te trafiku i drogës.

Gjatë këtij operacioni janë sekuestruar 1.1 kilogramë kokainë në Durrës, sasi lëndë narkotike kanabis dhe kokainë në Sarandë dhe Lezhë, “një shumë në euro e përfituar nga shitja e lëndëve narkotike, si dhe   armë zjarri, municon luftarak dhe armë të ftohta”

“37 shtetas të arrestuar/të proceduar gjatë 24 orëve të fundit në Tiranë, Durrës, Elbasan, Lezhë, Korçë, Shkodër, Vlorë, Gjirokastër, Berat, Dibër, Fier dhe në Morinë të Kukësit

Janë sekuestruar 1.1 kilogramë kokainë në Durrës, sasi lëndë narkotike kanabis dhe kokainë në Sarandë dhe Lezhë, një shumë në euro e përfituar nga shitja e lëndëve narkotike, si dhe   armë zjarri, municon luftarak dhe armë të ftohta”, shkruan Balla.

Ai ka shpjeguar gjithashtu se “janë zbardhur disa vjedhje me dhunë dhe armë të ftohta në Tiranë, janë kapur dy persona në kërkim, në Elbasan dhe në Shkodër etj”

“Policia Kufitare në Morinë ka vënë në pranga një shtetas të kërkuar ndërkombëtarisht për llogari të drejtësisë italiane, me masë sigurie “Arrest në burg”, për veprat “Organizata kriminale” dhe “Emigracioni i paligjshëm”.

/rtsh.al/