Eksperti i kriminalistikës Ervin Karamuço u shpreh  në emisionin ‘3D”,se Ndrangheta është organizata kryesore  e kriminalitetit që shtrihet në të gjithë botën me një buxhet gati 60 miliard dollar në vit.

“Ndrangheta është një organizatë numër një në botë, ka të ardhura që shkojnë gati 60 miliard në vit.  Ndërsa buxheti i ministrisë së Rendit në Itali shkon 25 miliard dollar.

Për shkak të aktivitetit të saj në të gjithë botën, Karamuço u shpreh se, “kjo organizatë shtrihet që nga Paqësori, në Kinës sepse merr fentanilin dhe e çojnë në Ekuador”.

Sipas tij, “kokat” e organizatën ndodhen në Peru dhe nga aty vendoset çmimi i produktit.

“Ndërsa përfaqësuesit e organizatës janë në Peru dhe shqiptarët më të rrezikshëm nuk i kemi në Ekuador por i kemi në Peru.  Janë organizata që caktojnë çmimin .   ndërsa në Ekuador është thjesht rrjeti i shpërndarjes me infrastrukturës”, përfundoi ai.  

/rtsh.al/