Impuls ekonomik të gjithë zonës, Kryeministri Rama publikon pamje nga bulevardi i ri i kryeqytetit

Ekonomi | 5 vite më parë

Bulevardi i ri në Tiranë është transformuar rrënjësisht në një hapësirë të madhe publike dhe me impakt ekonomik.

Kryeministri Edi Rama ka publikuar pamje nga ky investim i Bashkisë Tiranë i cili i ka dhënë një impuls ekonomik të gjithë zonës, që lidhet me Bulevardin e Ri.

Përmes bulevardit të ri, nga ish-Stacioni i Trenit deri te kryqëzimi me rrugët “Siri Kodra” dhe “Jordan Misja” krijohet një njësi e re qarkullimi për të gjithë banorët e njësive nr. 9, nr. 8 dhe nr. 4.

Pjesë e këtij projekti është edhe ndërtimi i parku të ri qendror dhe gjithë volumi i hapësirës së gjelbëruar dhe atraksioneve të një parku.

Në bulevardin me gjatësi 1.600 metra shtrihen linjat e kalimit të trafikut, të ndara në 6 korsi. Po ashtu trotuaret, rrugët e kalimit të këmbësorëve, korsia e biçikletave, njëkohësisht edhe gjelbërimi në të dy pjesët anësore.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.