“e-Transport”, platformë e re digjitale për transportin ndërqytetas

Ekonomi | 6 vite më parë

Për herë të parë në Shqipëri, një platformë inovative do të menaxhojë e monitorojë fluksin e udhëtarëve në linjat e transportit, për gati 50 milionë bileta udhëtimi në vit, duke sjellë një përmirësim rrënjësor të eksperiencës së udhëtimit në Shqipëri.

Kryeministri Edi Rama ndau sot videon informative mbi të ardhmen e afërt dixhitale të transportit rrugor ndërqytetës përmes e-Transport.

Platforma përfshin modul biletimi elektronik online përmes aplikacionit në celular dhe faqes online, në autobus e në stacione, si dhe në agjencitë e udhëtimit.

Aplikacioni është falas për 520 linja, 242 operatorë dhe 2,282 mjete.

Kjo platformë ofron lehtësi dhe prakticitet në përdorim dhe është e aksesueshme edhe për turistët e huaj me sportele online për shërbimet, servera dhe databazë elektronike.

Platforma do të sjellë një përmirësim rrënjësor të eksperiencës së udhëtimit në Shqipëri.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.