Kredia për sektorin privat u rrit 6.7 % gjatë vitit 2020

Ekonomi | 6 vite më parë

Kredia për sektorin privat shënoi një rritje mesatare vjetore prej 6.7 % gjatë vitit 2020, bëri të ditur Banka e Shqipërisë.

Sipas BSH-së, rritja e kreditimit u mbështet kryesisht nga zgjerimi i huadhënies për bizneset dhe sipërmarrjet.

Ndërsa imapkt të rëndësishëm ka dhënë edhe rritja e kredisë në monedhën vendase lekë.

Paralelisht me rritjen e portofolit të kredisë, ecuri pozitive ka pasur dhe struktura e këtij portofoli.

“Rritja në 50.2 % e peshës së kredisë në lekë ndaj totalit, jep sinjale inkurajuese për rritjen e efektivitetit të politikës monetare dhe rritjen e qëndrueshmërisë financiare të vendit. Sektori bankar ka dhënë një kontribut pozitiv në përballimin e krizës”, thekson Banka e Shqipërisë, në raportin e publikur së fundi mbi politikën monetare gjatë vitit 2020.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.