FOTOT- Mbyllen karnavalet në Shkodër, muzikë, bejte, digjet ‘dordoleci’

Kulturë | 3 vite më parë

E diela shënoi mbylljen e aktivitetit të karnavaleve në qytetin e Shkodrës. Në qendër të qytetit u zhvillua një performancë nga aktorët e teatrit “Migjeni”, me bejte dhe muzikë nga banda e qytetit.

Nuk munguan as të ftuar nga Tuzi dhe Korça, teksa qytetarët që u bënë pjesë e karnavaleve me maska shprehen se karnavalet nuk mund të bëhen në asnjë qytet tjetër si në Shkodër.

Gjatë aktivitetit nuk mungoi edhe një paradë gjatë rrugëve kryesore dhe pedonales së qytetit të Shkodrës, çka tërhoqi edhe vëmendjen e qytetarëve të tjerë.

Pjesë e aktivitetit është bërë edhe kryeministri, Edi Rama së bashku me familjen e tij, i cili shkoi në Shkodër që një natë më parë, për të parë nga afër këto festime. Karnavalet në Shkodër, pas 3 ditësh, u mbyllën me djegien e dordolecit pranë sheshit “Nënë Tereza”.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.