Umberto Tozzi elektrizon skenën e Fest 62: Dua të bëj një koncert live në Shqipëri

Kulturë | 3 vite më parë

Këngëtari i njohur italian, Umberto Tozzi ka elektrizuar skenën e Festivalit të Këngës në Radio Televizionin Shqiptar duke interpretuar disa prej këngëve të njohura të repertorit të tij.

Fillimisht Tozzi është prezantuar për publikun nga aktori i humorit Xhuliano Dule, ndërsa ka shprehur edhe dëshirën për të zhvilluar një koncert live në Shqipëri.

“Kam shumë qejf të bëj një koncert live në Shqipëri”, u shpreh Tozzi para publikut.

Tozzi nuk harroi të përmendë edhe disa nga artistët shqiptarë që kanë bërë emër në skenën e muzikës italiane.

“Unë njoh këngëtarët shqiptarë si të madhen Ana Oksa dhe të madhin Ermal Meta, që e mendoja fillimisht se ishte italian”, tha Tozzi.

Më pas këngëtari i njohur italian këndoi disa nga këngët më të spikatura të tij si ‘Ti Amo’ dhe ‘Gloria’.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.