Të gjithë ata që do të udhëtojnë drejt Dibrës nëpërmjet rrugës së Arbrit mes dy lagjeve të qytetit të Bulqizës do të shohin këto dy murale.

Portreti i heroit tonë kombëtar, Gjergj Kastrioti-Skënderbeu dhe ai i dëshmorit Elez Isufi janë vendosur në muret anësore të urës që lidh dy lagjet e Bulqizës. 

Këto dy portrete janë vepër e autorit Bledar Çakalli.

Ai thotë se nëpërmjet këtyre pikturave, që ka bërë jo vetëm këtu, por në shumë vende të tjera, synon të jetësojë historinë e kombit shqiptar me ata që kanë dhënë jetën për vendin.

Çakalli shton se i detyrohet vendlindjes për të pikturuar këto murale.

“Në fillim ka qenë pasion. Nga detyrë m’u kthye në një sfidë, që këto piktura dhe historia e kombit shqiptar të ringjallen nëpërmjet artit,” shprehet piktori Çakalli.

Muralet me portretin e Skënderbeut dhe Elez Isufit të pikturuara nga Bledar Çakalli mund të shihen nga qindra persona, që udhëtojnë në drejtim të Dibrës dhe në Bulqizë.

Gazetar: Marjo Merhori

/rtsh.al/