Piktura e fundit e Gustav Klimt është shitur për 108.4 milion dollarë, duke e bërë atë veprën më të vlefshme të artit të shitur ndonjëherë në ankand në Evropë.

Zonja me erashkë (Dame mit Fächer) iu shit një koleksionisti nga Hong Kongu. Portreti i gruas pa emër ishte ende në një kavalet në studion e Klimt kur piktori vdiq në 1918.

Piktura, e përshkruar si “një kryevepër e një artisti në kulmin e fuqive të tij”, ka ndikime të forta aziatike dhe është pjesë e tendencës japoneze, e cila i referohet ndikimit të artit dhe dizajnit japonez midis artistëve të Evropës Perëndimore.

Ajo gjithashtu përmban disa motive kineze duke përfshirë feniksin, një simbol i pavdekësisë dhe rilindjes dhe lule zambak uji që nënkuptojnë dashurinë.

Piktori simbolist austriak është më i njohur për punën e tij në kanavacat e veshura me fletë ari si Puthja, 1907-8, dhe Portreti i Adele Bloch-Bauer I, 1907 citon BBC.

/rtsh.al/