Deputetët që po merren me përgatitjen e ndryshimeve të ligjit të zgjedhjeve duhet të përballen këtë javë me dy nga çështjet më delikate që kanë ndezur shpesh skenën politike.

E para është adresimi me ligj i mënyrës sesi formohen koalicionet zgjedhore, një kërkesë e vazhdueshme e opozitës që kërkon lejimin me ligj të bashkësive politike para zgjedhjeve që aktualisht ndalohet me ligj.

Çështja e dytë është adresimi në kodin zgjedhor i mënyrës sesi do të votojnë emigrantët.

Në kalendarin e grupit të dialogut që është mbledhur më pak se gishtat e një dore është shënuar një afat ambicioz, dorëzimin e projektligjit për zgjedhjet deri në fund të muajit qershor.

Burimet e informacionit i thanë RTSH-së se aktualisht ekspertët e grupit politik po punojnë të ndarë  nga njeri-tjetri, në përpjekje për të gjetur zgjidhjet më të mira ligjore që duhet t’i japin zgjidhje edhe vendimit të Gjykatës Kushtetuese që thotë se e drejte kushtetuese e shtetasve shqiptare, të thonë fjalën e tyre nëpërmjet votës në kutitë e votimit.  

Gazetare: Sonila Gagostini

/rtsh.al/