Hasani takim me drejtorin e OPCW: Shqipëria e palëkundur kundër kërcënimeve kimike

Politikë | 3 vite më parë

Ministri i Jashtëm Igli Hasani ka zhvilluar një takim me drejtorin e përgjithshëm të Organizatës për Ndalimin e Armëve Kimike (OPCW), Fernando Arias në Hagë.

Në fokus të takimit ishte forcimi i sigurisë globale, përmes masave efektive të mospërhapjes së armëve kimike.

“Rikonfirmova angazhimin e palëkundur të Shqipërisë kundër kërcënimeve kimike, përmes bashkëpunimit ndërkombëtar, si vendi i parë që ka shkatërruar plotësisht të gjitha armët e saj kimike, rreth 20 vjet më parë”, tha Hasani.

OPCW, organi zbatues i Konventës së Armëve Kimike, me 193 shtetet e saj anëtare, mbikëqyr përpjekjet globale për të eliminuar në mënyrë të përhershme dhe të verifikueshme armët kimike.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.