OMONIA mbështet PBDNJ në zgjedhjet e parakohshme në Himarë

Politikë | 3 vite më parë

Organizata OMONIA është shprehur e hapur për të bashkëpunuar me Partinë “Bashkimi për të Drejtat e Njeriut” në zgjedhjet e ardhshme parlamentare, si dhe në zgjedhjet e pjesshme për bashkinë e Himarës.

Kjo deklaratë për RTSH është bërë nga nënkryetari i OMONIA-s Jorgo Xhomaka.

“OMONIA dhe PBDNJ kanë një përvojë 30-vjeçare dhe është e gatshme të përballojë edhe zgjedhjet për Kuvendin e Shqipërisë,” deklaroi z. Xhomaka.

Nënkryetari i OMONIA-s foli edhe për sa i përket çështjes Beleri.

“Kohët e fundit na ka tërhequr vëmendjen çështja Beleri dhe jemi të preokupuar për çlirimin e kryetarit të zgjedhur të OMONIA-s në baashkinë e Himarës. Ne kemi shumë besim,” u shpreh nënkryetari i OMONIA-s.

Ky formacion politik ka pasur rënie të ndjeshme të fuqisë elektorale në zonat që banohen nga anëtarët e minoritetit etnik grek gjatë përballjeve elektorale të 10 viteve të fundit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.