Analisti, Neritan Alibali duke folur në emisionin “E marta amerikane- Tersi i Europës” në ‘3D nga Alban Dudushi’ në RTSH, tha se të dhënat e sondazheve amerikane tregojnë se 70 për qind e elektoratit amerikan i konsideron të dy kandidatët për president me një moshë shumë të madhe për të drejtuar Amerikën. Madje, qytetarët e amerikanë kanë dyshime për kapacitetet mendore të tyre. 

Megjithatë, rreth 60 për qind e elektoratit amerikan do të shkojë në zgjedhjet presidenciale.

Alibali vlerëson se Amerika në zgjedhjet që po vijnë po shkon drejt një ndarjeje. Por, thotë se: “Më duket e pompuar frika se me ardhjen e Trampit e gjithë politika do ndryshojë” .

“Amerika udhëhiqet nga parimi kontrollo dhe balanco”, thekson Alibali. Ai kujtoi pozicionin e Gjykatës së Lartë amerikane anëtarët e së cilës pavarësisht se zgjidhen nga presidenti, nuk varen më pas nga ai.

/ rtsh.al /