Rama mbledh drejtuesit politikë, mbledhja në prag të seancës plenare të së enjtes

Politikë | 3 vite më parë

Kryetari i Partisë Socialiste, Edi Rama do të mbledhë sot (21 shkurt) në selinë e partisë drejtuesit politikë të qarqeve, ndërsa mësohet se anëtarët e Asamblesë Kombëtare do të jenë në komunikim virtual me mbledhjen në Tiranë.

Mbledhja është parashikuar të nisë sot rreth orës 17.30 pasdite.

Kjo është mbledhja e parë pas Asamblesë që u zhvillua 10 ditë më parë dhe mendohet se i paraprin takimit tjetër që PS do të mbajë në muajin mars në Durrës me qellim riorganizimin politik të partisë.

Mbledhja e sotme e Ramës zhvillohet një ditë pas protestës së një pjese të opozitës dhe në prag të seancës plenare ku në rend dite janë përfshirë Amnistia Penale dhe marrëveshja me Italinë për migrantët.

Gazetare: Sonila Agostini

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.