Sekretari amerikan i Shtetit, Antoni Blinken gjatë qëndrimit të tij në Shqipëri (15 shkurt) foli për mbështetjen e SHBA-ve për reformën në drejtësi, interes të drejtpërdrejtë për integrimin e Shqipërisë në Bashkimin Evropian dhe stabilitetin e shtetit të Kosovës.

Në një lidhje në Skype me studion e emisionit “3D” në RTSH,  Eksperti i Sigurisë në Uashington Adrian Shtuni u shpreh se situata Kosovë-SHBA është më e keqja që nga çlirimi i Kosovës.

“Blinken ju shmang përgjigjes për Kosovën kur e pyetën për Kosovën sepse situata aty nuk ka qenë ndonjëherë më keq sidomos kur flasim për situatën e Shteteve të Bashkuara me Kosovën dhe ambasadori Hovenier doli pak më para në një konferencë për të përgënjeshtruar atë që thotë Kurti se marrëdhënia është normale, ai shumë qartë e tha se kjo nuk është e vërtet. Situata është më e keqja që nga çlirimi i Kosovës ku kanë filluar dhe marrëdhëniet bilaterale midis Kosovës dhe Shteteve të Bashkuara”, tha Shunti.

/rtsh.al/