Shqip
English
Français
Deutsch
Ελληνικά
Italiano
Srpski
TürkçeKulluri: Grupimi ‘Bardhi’ nuk di me kë gdhihet në mëngjes e me kë fle në darkë…
Sekretari për Marrëdhëniet me Publikun në Partinë Demokratike, Edvin Kulluri duke folur për situatën në këtë forcë politike ka theksuar në emisionin “3D” në RTSH1 se opozita sot është më keq se para 2 viteve.
Kulluri u shpreh gjithashtu se janë dy grupime me axhenda të ndryshme siç është Rithemelimi i Berishës dhe Partia Demokratike zyrtare e Lulzim Bashës, ndërsa grupi i Gazment Bardhit qëndron në mes dhe nuk është pozicionuar hapur në asnjërën krah.
“Kemi shkuar me sukses nga humbje në humbje. Sot jemi më keq nga sa ishim. Ka dy palë me dy axhenda të ndryshme. Është një grup në mes që nuk dihet se më kë gdhihet në mëngjes dhe më kë fle në darkë. Ndonjëherë fle edhe vetëm grupi i Gazment Bardhit. Kjo është situata në opozitë”, theksoi Kulluri.
/rtsh.al/
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.
Të ngjashme
Të fundit
Më të lexuarat
