Mbretëria e Bashkuar është bërë vendi i parë që vendos sanksione ndaj të dhjetë prodhuesve kryesorë të naftës në Rusi, në kuadër të një pakete të re masash shtrënguese.

Sipas njoftimeve zyrtare, sanksionet e reja përfshijnë kompaninë “Slavneft”, si dhe një projekt të madh të gjigantit “Rosneft” në Arktik. Në një deklaratë të lëshuar nga Downing Street në margjinat e samitit të Komunitetit Politik Evropian që po mbahet në Dublin, bëhet me dije se kjo lëvizje ka për qëllim të “rrisë presionin” mbi Moskën.

Lidhur me këtë vendim dhe zhvillimet e fundit diplomatike reagoi edhe kryeministri britanik, Andy Burnham, i cili po merr pjesë në punimet e samitit. Ai theksoi domosdoshmërinë e vijimit të masave ndëshkuese pavarësisht zhvillimeve në tryezën e negociatave.

“Bisedimet e paqes për Ukrainën kanë bërë përparim, por tani nuk është koha për të pushuar”, deklaroi Burnham.

/rtsh.al/