Analisti Arion Sulo dhe avokati Idajet Beqiri janë përfshirë në një debat mbrëmjen e sotme (5 shkurt) në emisionin “3D” në RTSH, ku po diskutohej rreth zhvillimeve të fundit në Partinë Demokratike, pasi Gazment Bardhi iu bashkua protestuesve poshtë banesës së ish-kryeministrit Sali Berisha.

Sipas Beqirit, ardhja e Bardhit nga Amerika, ku zhvilloi disa takime do t’i ngatërrojë edhe më shumë gjërat në PD. Por argumenti i tij u kundërshtua nga Sulo.

Debati:

Beqiri: Ardhja e Bardhit nga Amerika, më kot ju gëzon juve, sepse Bardhi nga Amerika erdhi që ju të bëheni më lesh e li seç jeni bërë dhe në fund të përfundoni për faqe të zezë që edhe emrin ja humbët asaj partie, sepse iku emri.

Sulo: Nga e di ti këtë?

Beqiri: E pashë sot

Sulo: Nga e pe sot?

Beqiri: E pashë sot edhe nga deklarimet që bëri ai

Sulo: Ça deklarimesh? PD është e bashkuar tha. Nga e di ti? Këto janë dëshira të kthyera në tregim

Beqiri: Pashë mesazhet që dha, dha ca ulërima dhe iku

Sulo: I tha Ramës o hajdut, o shoku tigri

Beqiri: Kaq i tha

Sulo: I thoshin më jep llogari për tigrin dhe hajdutin që ke bërë bashkë me të

/rtsh.al/