Deputetët e përjashtuar-Rithemelimi të hënën protestë para Parlamentit

Politikë | 3 vite më parë

19 deputetët e përjashtuar nga punimet e Kuvendit do të protestojnë jashtë ambjenteve të tij, të hënën pasdite, kur do të zhvillohet seanca plenare.

Protesta do të mbështetet nga anëtarë dhe simpatizantë të grupimit të ish-Kryeministrit Sali Berisha.

Për mbarëvajtjen e saj, Edi Paloka ka thirrur sot (3 shkurt) pasdite në orën 17.00-të mbledhjen e Këshillit Kombëtar.

Sipas njoftimit të tij, në mbledhje do të diskutohet edhe vijimi i aksionit opozitar në parlament si edhe në sheshe për të mos lejuar sipas tij asgjësimin e pluralizmit.

Paralelisht me protestat kundër qeverisë, Këshilli Kombëtar do të diskutojë dhe për vijimin e tubimeve para banesës së ish-Kryeministrit Sali Berisha, i cili ndodhet në masën e “arrestit të shtëpisë” që prej 30 dhjetorit të vitit të shkuar.

Gazetare: Anisa Kadesha

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.