Vrasja e tre ushtarëve amerikanë, Rama letër ngushëllimi presidentit Bajden

Politikë | 3 vite më parë

Kryeministri Edi Rama i ka dërguar një mesazh ngushëllimi Presidentit të SHBA-së, Xho Bajden (Joe Biden), pasi tre ushtarë amerikanë humbën jetë nga një sulm me dron në Jordani.

Në letrën e publikuar në rrjetin social “X”, Rama shprehet se Shqipëria qëndron krah SHBA-së.

“Në këtë kohë të vështira duhet të qëndrojmë të bashkuar. Si aleatë qëndrojmë me SHBA me solidaritet,” shkruan Rama mes të tjerash.

Tre ushtarët u vranë – rreshteri Uilliam Rivers (William), 46; specialisti Kenedi Sanders (Kennedy), 24; dhe specialisti Breona Mofet (Breonna Moffett) dhe dhjetëra të tjerë u plagosën nga sulm me dron në një bazë ushtarake të Jordanisë. Sulmi ndodhi pranë kufirit me Sirinë.

Droni goditi bazën në orët e para të mëngjesit të 28 janarit gjatë kohës kur trupat ishin në gjumë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.