Balla pret ambasadoren e re të Japonisë: Forcojmë kapacitetet profesionale të Policisë në fushën e krimeve kibernetike

Politikë | 3 vite më parë

Policia e Shtetit shqiptar do të përfitojë ekspertizë në fushën e krimeve kibernetike nga partnerët e Japonisë.

Kjo çështje u diskutua në takimin sotëm mes ministrit të Brendshëm Taulant Balla dhe ambasadores së re të Japonisë në Shqipëri, Kato Kikuko.

Në takimin e mbajtur në Ministrinë e Brendshme, Balla shprehu mirënjohjen për mbështetjen e deritanishme të Japonisë në projekte konkrete zhvillimore.

“Nënvizova nevojën për të përfituar nga eksperienca e Japonisë në forcimin e kapaciteteve profesionale të Policisë së Shtetit në fushën e krimeve kibernetike, luftën kundër lëndëve narkotike nëpërmjet trajnimeve në kuadër të Akademisë së Sigurisë”, nënvizoi ministri pas takimit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.