‘Formula 1’ në Shqipëri, Rama takon presidentin e Federatës Ndërkombëtare të Automobilave

Politikë | 3 vite më parë

Shqipëria pritet të jetë mikpritëse e ‘Formula 1’ dhe garave të tjera automobilistike ndërkombëtare. Lajmi është bërë i ditur nga kryeministri, Edi Rama, i cili, të hënën, ka pritur në kryeministri presidentin e Federatës Ndërkombëtare të Automobilave (FIA), Mohammed Ben Sulayem.

Në qendër të takimit ka qenë diskutimi për projektin e madh të Automoto Parkut të Elbasanit.

“Me Presidentin e FIA-s, Mohammed Ben Sulayem, ku u përqëndruam tek projekti i madh i Automoto Parkut të Elbasanit, që do t’i japë Shqipërisë një tjetër motor të ri të ekonomisë dhe turizmit, përfshirë edhe Formulën 1 e gara të tjera ndërkombëtare të motorizmit”, shkruan Rama në rrjetin e tij social Facebook.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.