Kërkoi të merrte pjesë në seancat plenare, SPAK rrëzon Berishën

Politikë | 3 vite më parë

Kërkesa e ish-kryeministrit Sali Berisha për t’iu rikthyer sërish jetës Parlamentare, është rrëzuar nga Prokuroria e Posaçme kundër Krimit të Organizuar dhe Korrupsionit.

Pas depozitimit të kërkesës së Berishës nga mbrojtësit e tij, Sokos Mëngjesi dhe Genci Gjokutaj, prokurorët nuk e kanë pranuar atë, duke mos e lejuar ish-kryeministrin, që të marrë pjesë në seancat plenare të Kuvendit.

Kërkesa e personit nën hetim, Berisha, u depozitua më 15 janar, ndërsa vendimi për mospranimin e kësaj kërkese u mor ditën e djeshme (18 janar) pas shqyrtimit të përmbajtjes së saj.

Berisha ndodhet në arrest shtëpiak nga data 31 dhjetor. Masa u kërkua pas dyshimeve të Strukturës së Posaçme Antikorrupsion se ish-kryeministri mund të ketë kryer veprën e korrupsionit dhe pastrimit të parave në privatizimin e ish-kompleksit Partizani.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.