Kreu i BE-së në Shqipëri takon kryenegociatoren Dhuka: S’ka kohë për të humbur!

Politikë | 3 vite më parë

Kryetari i Delegacionit të Bashkimit Evropian në Shqipëri, ambasadori Silvio Gonzato, ka zhvilluar të enjten një takim me ministren e Shtetit dhe Kryenegociatoren Majlinda Dhuka.

Në këtë takim ai u shpreh se përshpejtimi i reformave të lidhura me BE-në nga Shqipëria duhet të jetë fokusi i përbashkët pas procesit të suksesshëm të shqyrtimit analitik të legjislacionit.

“Nuk ka kohë për të humbur. Për këtë ne kemi nevojë për lidership të fortë politik, një administratë publike solide dhe një angazhim proaktiv me të gjithë aktorët”, u shpreh ambasadori Gonzato, sipas një postimi të Delegacionit të BE-së në Shqipëri, në platformën Facebook.

Ambasadori i BE-së siguroi se “Evropa është këtu për të ndihmuar Shqipërinë t’ia dalë me sukses kësaj sfide”.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.