Shqip
English
Français
Deutsch
Ελληνικά
Italiano
Srpski
TürkçeMiratohet Plani Kombëtar për Integrimin Evropian 2024 – 2026
Këshilli i Ministrave vendosi sot miratimin e Planit Kombëtar për Integrimin Evropian 2024 – 2026.
Sipas njoftimit të Kryeministrisë thuhet se, në mbështetje të nenit 100 të Kushtetutës, Ministri i Shtetit dhe Kryenegociator ngarkohet të bashkërendojë zbatimin e Planit Kombëtar për Integrimin Evropian 2024 – 2026 me ministrat dhe/ose drejtuesit e institucioneve përgjegjëse për kryesimin e grupeve ndërinstitucionale të punës për integrimin evropian (GNPIE), si dhe negociatorin përgjegjës të secilit kriter dhe/ose kapitull të acquis të Bashkimit Evropian.
Ndër të tjera mësohet se negociatori përgjegjës për kriterin dhe/ose kapitullin e acquis të Bashkimit Evropian, raporton në mënyrë periodike pranë ministrit të Shtetit dhe Kryenegociator për ecurinë e zbatimit të Planit Kombëtar për Integrimin Evropian 2024 – 2026.
Me anë të këtij vendimi, ngarkohen të gjitha institucionet, në përbërje të grupeve ndërinstitucionale të punës për integrimin evropian, për të cilat në Planin Kombëtar për Integrimin Evropian 2024 – 2026 janë përcaktuar detyra të veçanta për zbatimin e këtij vendimi.
/rtsh.al/
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.
Të ngjashme
Të fundit
Një arbitër skocez do të gjykojë ndeshjen Universitatea Craiova-Egnatia
Më të lexuarat
