Gjykata Kushtetuese rrëzoi të mërkurën “Rithemelimin” e PD-së, lidhur me anksën e deputetëve për të pezulluar procedurat që i hapnin rrugë drejtësisë për të marrë masa shtrënguese ndaj deputetit, Sali Berisha, për moszbatim të vendimeve të drejtësisë.

Pezullimi I procedurave nga ana e “Rithemelimit” kishte në thelb kërkesën për pezullimin e masave shtrënguese ndaj Berishës “arrest me burg” ose “arrest shtëpie” për shkak të moshës.

Më ankesën e tyre deputetët e “Rithemelimit”, pretendonin se masa e marrë ndaj Sali Berishës ‘detyrim paraqitje’, më 20 tetor, për aferën e privatizimit të klubit sportiv Partizani, ishte  antikushtetuese. Ata pretendonin se masa në fjalë   ishte marrë pa u kërkuar më parë autorizimin e Kuvendit. 

Prokuroria e Posaçme i kërkoi më 12 dhjetor Kuvendit autorizimin për shtrëngimin e masave ndaj deputetit Sali Berishal, pasi ish-kryeministri, nuk zbatoi masën e gjykatës, atë të detyrimit për tu paraqitur para oficerit të policisë gjyqësore, lidhur me aferën e privatizimit të klubit “Partizani”.

Kërkesa u shqyrtua nga Këshilli i Mandateve, i cili i hapi dritën e gjelbër kërkesës së SPAK.

/rtsh.al/