Ministri i Arsimit bullgar Galin Cekov (Galin Tzokov), zhvilloi një vizitë 3 ditore në Shqipëri ndërsa takoi edhe ministren e Arsimit, Evis Kushin.

Në fokus të takimit ishin diskutime lidhur me bashkepunimet e metejshme mes universiteteve  dhe zhvillimi i metejshem i arsimit ne dy vendet.

“Në këtë takim diskutuam mundësinë e zgjerimit të universiteteve bullgare, krijimin e programeve të përbashkëta në gradën e masterit si edhe doktoraturën, programe në të cilën mund të jepen diploma nga të dyja palët“, tha ai.

Në një intervistë ekskluzive, Ministri bullgar foli edhe sa i takon hapjes së negociatave të Shqipërisë në BE ndërsa tha se kjo nuk është vetëm çështje politike por Bullgaria e ka mbështetur Shqipërinë në këtë hap të ri kaq të rëndësishëm.

“Ne mund të përkrahim këtë integrim, pikërisht me zgjerimin e bashkëpunimit në fushën e arsimit me më shumë programe të përbashkëta”, tha Ministri i Arsimit bullgar Galin Cekov .

Ministri Cekov ka zhvilluar gjithashtu takime edhe me përfaqësues të  komunitetit bullgar në Shqipëri ndërsa diskutuan mundësinë e hapjes se shkollave ku këta fëmijë mund të mësojnë gjuhën bullgare. 

Gazetare: Katerina Kule

/rtsh/