Integrimi i Shqipërisë dhe Reforma në Drejtësi, diplomati i lartë amerikan, David Wisner, takon ambasadoren e BE-së, Hohmann

Politikë | 3 vite më parë

I Ngarkuari me punë në ambasadën e SHBA në Shqipëri, David Wisner, ka filluar menjëherë nga puna, duke ngritur siparin e takimeve me ambasadoren e BE-së në largim, Christiane Hohmann.

Lajmi bëhet i ditur nga ambasada amerikane në Tiranë. Në qendër të këtij takimi ka qenë mbështetja e procesit të anëtarësimit të Shqipërisë në BE, si dhe Reforma në Drejtësi.

‘I Ngarkuari me Punë në Ambasadën e SHBA, David Wisner, u takua me ambasadoren e BE-së, Christiane Hohmann, për të pohuar bashkëpunimin e ngushtë në mbështetje të procesit të anëtarësimit të Shqipërisë në BE, veçanërisht në fushat e reformës në drejtësi dhe sundimit të ligjit. Ata diskutuan gjithashtu mbi rëndësinë e mbrojtjes së të dhënave në të gjithë sektorët, si dhe nevojën për përshpejtimin e reformave në Shqipëri.’- thuhet në njoftimin e ambasadës së SHBA-së.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.