PD ankimon vendimin e KQZ për caktimin e anëtarëve të KZAZ-ve në Kukës

Politikë | 3 vite më parë

Partia Demokratike ka ankimuar vendimin e KQZ për caktimin e anëtarëve të KZAZ-ve në Kukës. Zëdhënësja e PD, Mirela Karabina ka deklaruar se vendimi i kreut të KQZ, Ilirjan Celibashi konfuzon qëllimisht demokratët dhe elektoratin opozitar të Kukësit, duke cenuar integritetin e procesit.

“Vendimi i Komisionerit Celibashi konfuzon qëllimisht demokratët dhe elektoratin opozitar të Kukësit duke cënuar integritetin e procesit.

Partia Demokratike ka ankimuar vendimin antiligjor të Komisionerit mbi emërimin politik të opozitës.

Ndërkohë që qytetarët e Kukësit vuajnë pasojat e keqmenaxhimit të qytetit nga keqqeverisja lokale e korruptuar, pēr fatin e tyre nuk mund të vendosin interesat e sëmura të Tiranës”, tha Karabina.

Kjo e fundit, vendimin e 19 gushtit të marrë nga KQZ, që për zgjedhjet e Kukësit i lë Partisë Demokratike vetëm një komisioner, e quajti “shërbim ndaj oligarkisë”.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.