Kaloi në heshtje nga presidenti Begaj, hyn në fuqi ligji për kanabisin mjekësor

Politikë | 3 vite më parë

Ka hyrë në fuqi ligji për kultivimin dhe përpunimin e kanabisit apo nënprodukteve të tij për qëllime mjekësore e industriale.

Ligji u kalua në heshtje nga Presidenti Bajram Begaj, i cili vendosi që të mos e kthejë dhe të mos dekretojë atë.

Ditën e sotme (21 gusht) ai u botua në Fletoren Zyrtare.

Ligji për përdorimin e kanabisit për qëllime mjekësore u miratua me 69 vota pro, 23 kundër dhe 3 abstenim.

Autoritetet e justifikojnë nevojën e tij me rritjen e aktivitetit ekonomik, ndërsa procesi i miratimit është shoqëruar me debate politike, deri sa 39 deputetë zgjodhën të mos e votojnë.

Edhe delegacioni i Bashkimit Europian në Shqipëri gjatë diskutimit të projektligjit për kanabisin në komisionet parlamentare shprehu rezerva dhe sugjeroi masa më të forta mbrojtëse për të parandaluar devijimin e produkteve në fjalë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.