Lufta kundër trafiqeve dhe emigrimit të parregullt, Balla takon ambasadoren e Francës

Politikë | 3 vite më parë

Ministri i Brendshëm Taulant Balla ka pritur në një takim ambasadoren e re të Francës në Shqipëri, Catherine Suard.

Intensifikimi i bashkëpunimit shumëplanësh me agjensitë ligjzbatuese franceze për rendin publik, luftën kundër trafiqeve ilegale dhe migracioni i parregullt, ishin kryefjalë e takimit mes Ballës dhe Suard.

Ministri bëri me dije se më shumë se 60 mijë vizitorë francezë kanë zgjedhur Shqipërinë nga janari deri në korrik të këtij viti.

“Mirëprita në një takim Ambasadoren e re të Francës në Shqipëri, Catherine Suard. Shqipëria dhe Franca kanë sot një nivel të shkëlqyer marrëdhëniesh dhe ne synojmë të zgjerojmë më tej bashkëpunimin shumëplanësh me agjensitë ligjzbatuese franceze në fushat që lidhen me rendin publik, luftën kundër trafiqeve ilegale dhe migracionit të parregullt. Mbi 60 mijë vizitorë francezë kanë zgjedhur Shqipërinë nga janari deri në korrik të këtij viti, plot 56% më shumë se e njëjta periudhë e vitit të kaluar”, deklaron Balla.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.