101-vite marrëdhënie diplomatike/ Begaj dhe Biden: Aleancë e fortë strategjike mes Shteteve të Bashkuara dhe Shqipërisë

Politikë | 3 vite më parë

Shtetet e Bashkuara dhe Shqipëria shënojnë sot 101 vjetorin e vendosjes së marrëdhënieve diplomatike.

Në këtë kuadër, Presidenti shqiptar Bajram Begaj dhe ai amerikan Joe Biden, kanë bërë nga një urim, duke nënvizuar miqësinë e ngushtë dhe aleancën e fortë strategjike mes dy kombeve.

Presidenti Begaj u shpreh se “Përgjatë historisë, Shtetet e Bashkuara kanë qenë gjithmonë në krahun tonë, duke na mbështetur në të gjitha projektet dhe sukseset tona madhore, ndaj për këtë do i jemi përherë mirënjohës”.

Ndërsa presidenti amerikan Joe Biden i ka dërguar urimet më të përzemërta popullit shqiptarë.

“Mbarë popullit shqiptar, i dërgoj urimet e mia më të përzemërta dhe miqësinë jetëgjatë të Shteteve të Bashkuara”, tha ai në mesazhin e tij të shpërndarë nga ambasada amerikane në Tiranë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.