Kryetari i Partisë së Lirisë, Ilir Meta ka deklaruar se regjimi aktual ka kapur çdo qelizë të shtetit dhe çdo institucion me qëllim për të shtypur lirinë e qytetarëve, për të shkatërruar zgjedhjet, për të shkatërruar konkurrencën dhe ekonominë e tregut dhe për të instaluar sundimin e një pakice në kurriz të të gjithë shoqërisë.

Meta paralajmëron ringritjen e opozitës teksa shprehet se do të jetë e shoqëruar me ringritjen e shoqërisë, teksa e konsideroi betejën përballë këtij regjimi, si të vështirë.

“Jemi në një situatë përballë një regjimi ku opozita ka bërë çdo gjë për të ndërgjegjësuar gjithë shoqërinë që dëshiron të jetojë e lirë dhe e panënshtruar nga ky regjim, i cili ka kapur çdo qelizë të shtetit dhe çdo institucion me qëllim për të shtypur lirinë e qytetarëve, për të shkatërruar zgjedhjet, për të shkatërruar konkurrencën dhe ekonominë e tregut dhe për të instaluar sundimin e një pakice në kurriz të të gjithë shoqërisë.

Kjo është një betejë e vështirë. Është një betejë, e cila kërkon kohën e saj, edhe padyshim që opozita besoj se do të ketë edhe ajo reflektimet përkatëse.

Ringritja e opozitës do të vijë bashkë me ringritjen e shoqërisë”, deklaron Meta në video mesazhin e publikuar në rrjetin social Facebook.

/rtsh.al/