Kuvend/ Ndërpritet sërish seanca, opozita: Fusni “Ahmetajn” në rendin e ditës

Politikë | 3 vite më parë

Debatet dhe mosdakordësia mes opozitës dhe maxhorancës në Kuvend kanë çuar sërish në ndërprerje të seancës për 5 minuta.

Opozita kërkon që të futet në rendin e ditës kërkesa e SPAK për arrestimin e ish-zëvendëskryeministrit Arben Ahmetaj, kërkesë që është refuzuar.

Kryetarja e Kuvendit, Lindita Nikolla argumentoi se kërkesa e tyre nuk mund të merret parasysh sepse nuk ka lëndë, për shkak se raporti i Këshillit të Mandateve nuk i është shpërndarë deputetëve.

“Nuk është shpërndarë raporti deputetë nuk e kanë marrë, nuk ka lëndë. Nuk mund të ketë votim për një çështje të paligjshme”, tha Nikolla.

Megjithatë, deputetë e opozitës nuk lejuan kreun e KQZ që të vijonte me raportimin në Kuvend, sipas rendit të ditës, duke bërë që Nikolla të merrte vendimin për të ndërprerë sërish seancën.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.