Kuvend/ Tabaku: Minimumi që qeveria të japë llogari, gjysma e grupit parlamentar të PS përmendet në dosjen e SPAK

Politikë | 3 vite më parë

Opozita në Kuvend vijon të kërkojë me këmbëngulje praninë e kryeministri Edi Rama në seancën plenare të kësaj të enjte (13 korrik) për vijimin e saj, ndërsa deputetja e PD-së, Jorida Tabaku thekson se qeveria duhet të japë llogari në lidhje me ngjarjet e fundit.

Sipas Tabakut, janë gjysma e grupit parlamentar socialist të përmendur në dosjen e SPAK për inceneratorët, duke e konsideruar aferën më të madhe të shtetit shqiptar.

“Është minimumi që qeveria të japë llogari, turp që i keni dalë për zot një afere korruptive. Sot gjysma e grupit parlamentar të PS përmendet në dosje. Është minimumi që të flitet për të këtu sot. Sot nëse kishte përgjegjësi politike duhet të kishit dhënë dorëheqjen, kjo është afera më e madhe e shtetit shqiptar. Kushdo që flet dhe e mbron bëhet pjesë e krimit”, tha Tabaku.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.