Kryeministri Edi Rama është takuar në Vilnius me Presidentin Emanuel Macron, teksa bën me dije se së shpejti lideri francez do të vijë në Tiranë.

“Vilnius, Lituani, Me Presidentin e Francës, Emanuel Macron, i cili po përgatitet për të ardhur në Tiranë”, shkruan Rama në rrjetin social Facebook.

Kreu i qeverisë shqiptare ndodhet në Vilnius, Lituani në kuadër të samitit dy-ditor të NATO-s.

Në këtë samit, Rama ka zhvilluar takime dy-palëshe edhe me liderë të tjerë të shteteve anëtare të aleancës Trans-Atlantike.

Kujtojmë se më 8 qershor, Kryeministri Edi Rama i dërgoi një draft Presidentit francez, Emmanuel Macron dhe kancelarit gjerman, Olaf Scholz, si propozim për formimin e Asociacionit të komunave serbe. Ndërsa më 21 qershor, Rama u nisi një letër Presidentit Emmanuel Macron, Kancelarit gjerman Olaf Scholz dhe Presidentit të KE-së lidhur me domosdoshmërinë e një shtyse të re konkrete të Francës dhe Gjermanisë me mbështetjen e SHBA për zbatimin e planit franko-gjerman.

 

 

 

 

 

View this post on Instagram

 

 

 

 

 

 

 

 

 

 

 

A post shared by RTSH (@rtshqiptar)

/rtsh.al/