14 maji/ Përfundon rinumërimi i 18 kutive në Kuçovë, Kreshnik Hajdari i PS mbetet fitues

Politikë | 3 vite më parë

Nuk ka ndryshuar rezultati i zgjedhjeve në Kuçovë, pas rinumërimit të votave në 18 kuti votimi. Kolegji Zgjedhor rinumëroi votat këtë të premte (30 qershor), proces që u shoqërua me jo pak tensione, pasi kandidati i koalicionit “Bashkë Fitojmë”, Lefter Maliqi u përplas me përfaqësuesin e Komisionit Qendror të Zgjedhjeve, Ylli Merkajt.

Megjithatë, rinumërimi konfirmoi fitoren e kandidatit socialist, Kreshnik Hajdari, i cili mori në zgjedhjet e 14 majit 49.79% të votave, në raport me 44.88 % që mori kandidati i “Bashkë Fitojmë”, Lefter Maliqi.

Rinumërimi i 18 kutive u bë pas kërkesës së koalicionit “Bashkë Fitojmë”, të cilët pretenduan se kutitë e votimit nuk kanë patur proces verbal dorëzimi dhe se kanë qenë jashtë fokusit të kamerës për të paktën dy orë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.