Kërkuan shpalljen e zgjedhjeve në Kamëz të pavlefshme, KAS rrëzon ankimimin e “Bashkë Fitojmë”

Politikë | 3 vite më parë

Komisioni i Ankimimeve dhe Sanksioneve ka rrëzuar kërkesën e koalicionit “Bashkë Fitojmë” për rrëzimin e rezultatit të zgjedhjeve vendore të 14 majit në Bashkinë e Kamëz. Në mbledhjen e kësaj të mërkure (7 qershor), KAS vendosi me shumicë votash rrëzimin e kërkesës së koalicionit, pas rinumërimit elektronik të votave, por që nuk ndryshuan rezultatin.

Kandidati socialist, Rakip Suli mbetet fitues, duke mundur në garën elektorale të 14 majit kandidatin e “Bashkë Fitojmë” Arjan Hoxha.

“Bashkë Fitojmë” kërkoi rrëzimin e rezultatit të votimit në Kamëz, duke pretenduar se rezultati ka qenë i paravendosur nëpërmjet pajisjeve elektronike ku u krye votimi. Po ashtu ata kërkuan edhe ekzaminimin e pajisjeve me ekspertë të huaj.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.